Bakıda mebel fabrikində partlayış olub.

ANS PRESS-in Fövqəladə Hallar Nazirliyinin saytına istinadən məlumatına görə, Nizami rayonunda "Ocaq " ASC-yə məxsus mebel fabrikinin ərazisində yerləşən ümumi tutumu 50 kub.m olan taxta yonqarı bunkerində yanğınla nəticələnən partlayış baş verib.

Yanğın nəticəsində bunkerin içərisində və altina yığılmış taxta yonqarı, taxta məmulatları 25 kv.m sahədə yanıb.

Partlayış zamanı şəxsiyyətləri məlum olmayan 4 nəfər fəhlə müxtəlif dərəcəli xəsarətlərlə yanğın bölmələri hadisə yerinə çatana kimi işcilər tərəfindən Yanıq Mərkəzinə və 1 saylı Mərkəzi Klinik xəstəxanasına aparılıblar.

Mebel fabriki və əraziyə yığılmış taxta məmulatları yanğından mühafizə olunub.