Şəmkirdə qətl hadisəsi baş verib. Şəmkir rayon Prokurorluğundan verilən məlumata görə, rayonun Kür qəsəbəsinin sakini 28 yaşlı Ruslan Orucov tanışı 44 yaşlı Qabil Hüseynovu qətlə yetirib.
Şəmkir Prokurorunun böyük köməkçisi Elnar Hüseynovun ANS PRESS-in bölgə müxbirinə verdiyi məlumata görə, iki həmyerlinin mübahisəsinə səbəb aralarındakı pul söhbəti olub.

Ruslan qəsəbələrindəki çayxanada oturmuş Qabilə hücum edərək, onun boyun nahiyəsindənüzərində gəzdirdiyi bıçaqla bir dəfə zərbə endirib. Nəticədə Qabil Hüseyonov sürətli qanaxmadan dünyasını dəyişib.

Faktla bağlı rayon Prokurorluğunda Cinayət Məcəlləsinin 120.1-ci maddəsilə cinayət işi başlanılıb.