ABŞ Azərbaycanın hava məkanından istifadə edib

Ekspert: “Bu beynəlxalq əməkdaşlıq hamıya xeyir gətirir”

Vaşinqton Azərbaycanın öz hava məkanını Amerika təyyarələrinə açmasının nəticələri barədə açıqlama verib. ABŞ Silahlı Qüvvələrinin Hava Daşımaları Komandanlığının saytında bildirilib ki, bu il ABŞ təyyarələri Azərbaycan üzərindən keçməklə, Əfqanıstandan 2200-dən çox xəstə və yaralı daşıyıblar. Məlumata görə, Azərbaycanın öz hava məkanını ABŞ təyyarələrinə açması tibbi təxliyə uçuşlarının vaxtını 1 saat 45 dəqiqə azaldır.

ABŞ-ın Hava Daşımaları Komandanlığı Azərbaycan hökumətinə təşəkkür edib. Məsələni ANS-ə “Herritage Fondu”nun eksperti Ariel Koen belə şərh edib: "Bu yer, dəniz, hava kommunikasiyasıdır. NATO və ABŞ ordusunun Əfqanıstanda hərəkətini təmin edir. Burada gizli bir şey yoxdur. Burada əsas maraq stabilliyi təmin etmək, “Taliban”ın Əfqanistanda hakimiyyətini əngəlləməkdir. Ona görə bu beynəlxalq əməkdaşlıq hamıya xeyir gətirir".