Bir müddət öncə Azərbaycana səfər edən Türkiyənin tanınmış aktrisası Türkan Şorayın “Habertürk” saytında Azərbaycana səfəri barədə geniş məqaləsi dərc olunub.

Aktrisa Azərbaycanda üç gün gördüyüm gözəlliklərin onu bu yazını yazmağa sövq etdiyini bildirib. "“Sinemam ve ben” (“Kinom və mən”) adlı kitabımda 1970-ci ildəki Bakı səyahətimdən xatirələri yazmışam. Qardaş ölkə olan Azərbaycanda çox sevildiyimi bilirəm. Mən də azərbaycanlı qardaş və bacılarımı çox sevirəm. İlk fürsətdə bu ölkəyə gedərək onlarla qucaqlaşmaq istəyirəm”, - demişdim.

Deməli, nə qədər ürəkdən istəmişəm ki, qarşıma bir anda Azərbaycan səyahəti çıxmışdır. Azərbaycanın gənclər və idman naziri Azad Rəhimov ilə mədəniyyət və turizm naziri Əbülfəs Qarayev məni Bakıda keçirilən istedadlı və yaradıcı gənclərin II Respublika toplantısının açılış mərasimində iştirak etmək üçün dəvət etdilər".

Aktrisa Azərbaycanda üç gün unuda bilməyəcəyi anları yaşadığını qeyd edib. “Qardaş ölkədə sözlə ifadə edə bilməyəcəyim sevgi ilə qarşılaşdım. Çaşmışdım. Uşaqlar, gənc qızlar, insanların böyük əksəriyyəti göz yaşları ilə məni qucaqlayırdılar. Bunun səbəbini də dedilər. 1990-cı illərdə Qarabağ müharibəsi və müstəqillik mübarizəsi vaxtı Azərbaycan dövlət televiziyası xalqın əhval-ruhiyyəsini qaldırmaq üçün mənim “Arım balım pətəyim” filmimi dəfələrlə nümayiş etdirmişdir”.

Azərbaycan xalqının ümummilli lideri Heydər Əliyevin məzarını və Şəhidlər xiyabanını da ziyarət etdiyini yazan aktrisa qeyd edir: “Bakıda olduğum müddətdə Türkiyədə də çox sevilən və dünyanın ən mühüm liderlərindən biri olan Heydər Əliyevin məzarını ziyarət etmək istədim. Ulu öndər Heydər Əliyevə Türkiyədə də böyük məhəbbət bəsləyirlər. Heydər Əliyev mübariz şəxsiyyət, eyni zamanda mədəniyyətə və sənətə qiymət verən önəmli bir lider idi.

Yüzlərlə lövhələrdə şəhidlərin adları yazılmışdır. Bu şəhidlərin mənəvi hüzurunda olmaqdan məmnunluq hissi keçirdim. Şəhidlər xiyabanının sonunda əbədi məşəl yanırdı. Sən demə, bu məşəl illərdir şəhidlərin xatirəsinə yanırmış”.

T.Şoray daha sonra istirahət etmək üçün kafeyə getdiklərini deyib. O, yerə gömülmüş təndirdə bişən təndir çörəyi,isti çay, kərə yağı,qaymaq və ev mürəbbələrindən ibarət səhər yeməyinin dadından doymadığını deyib.

"Ertəsi gün proqramın erkən saatlarda başladığı üçün səhər yeməyini otağıma istəmişdim. Qəhvaltı gecikmişdi. Köməkçim Senay Ülkü resepsiyona zəng edərək qəhvaltının nə üçün gecikdiyini soruşdu. Məgər Azərbaycanda qəhvaltının nahar imiş. Bir müddət sonra telefona zəng gəldi, gecikm üçün üzr istənildi və "səhər yeməyiniz qapıdadır" dedilər. Bu çox xoşuma gəldi və gülməyə başladım. İki gün ərzində iki dildə olan çox xoş danışıqlara şahid oldum. Məsələn, "ölmək" yerinə "dünyasını dəyişmək" kimi".