Mingəçevir şəhəri, Mingəçevir-Yevlax yolunun 6-ci kilometrliyində ölümlə nəticələnən ağır yol qəzası baş verib. ANS PRESS-in Fövqəladə Hallar Nazirliyinin mətbuat xidmətinə istinadən verdiyi məlumata görə, 1992-ci il təvəllüdlü Xanəliyev Ayxan Sabir oğluna məxsus “Hyundai” markalı minik avtomobili su kanalına düşüb.

Qəza nəticəsində minik avtomobilinin sürücüsü və avtomobildə olan iki sərnişin - 1977-ci il təvəllüdlü Cahid Zakir oğlu İsmayılov və 1990-cı il təvəvəllüdlü Xəyal Nazim oğlu Beydiyev aldıqları bədən xəsarətlərindən hadisə yerində ölüblər. Avtomobildə sıxılmış vəziyyətdə qalan sürücünün meyiti xilasedicilər tərəfindən çıxarılıb. Hadisə ilə əlaqədar müvafiq hüquq-mühafizə orqanları tərəfindən təhqiqat aparılır.