Ukraynanın “Batkıvşina” partiyasının ofisinə milis qüvvələri hücum edib. ANS PRESS-in UNİAN-a istinadla verdiyi məlumata görə, ofisi tutanlar avtomatla silahlanan və zirehli geyimdə olan “Berkut” xüsusi təyinatlıları olublar. Onların üzündə qara maskalar olub.

Bu partiyanın lideri hazırda həbsdə olan keçmiş baş nazir Yuliya Timoşşenkodur.
"Xüsusi təyinatlılar hasardan aşaraq, ofisin ərazisinə giriblər. Onlar ofisin serverlərini götürərək gediblər", deyə partiyanın mətbuat xidmətindən bildirilib.

Xüsusi Onlar ofisə hücum əmrini kimin verdiyini deməyiblər. İlkin məlumata görə, ofisə girən "Berkut"çular 100 nəfərə yaxın olublar. Onlar əraziyə 4 avtobusla gəliblər.

Maydanda isə avrointeqrasiya tərəfdarlarının aksiyaları davam edir. Komunal xidmət əməkdaşları hüquq mühafizə orqanlarının əməkdaşlarının dəstəyi ilə Nazirlər Kabinetinin qarşısındakı barikadaları sökürlər. Adıçəkilən yer "Berkut" üzvləri və daxili qoşunların nümayəndələri tərəfindən mühasirəyə alınıb.

Lobanovski sadionu yaxınlığında yüzlərlə nümayişçi toplaşıb. Onlar milis kordonunu yarmağa cəhd edirlər. Milislə etirazçılar arasında qarşıdurma yaranması barədə məlumatlar yayılıb.

ANS-in Ukraynanın paytaxtı Kiyevə ezam olunmuş xüsusi müxbiri Natiq Nailəoğlunun verdiyi məlumata görə, Maydan ərazisində və Maydandan bir qədər kənar ərazidə internetin verilişində problemlər yaranır, sosial şəbəkələrə daxil olmaq mümkün deyil, ümumiyyətlə internetdən istifadə mümkün deyil. "Telefon əlaqəsi, mobil əlaqə saxlamaq qeyri-mümkünə çevrilib. Bu da onunla əlaqədardır ki, insanlar bir-biriləri ilə telefon əlaqələri saxlayaraq meydana gəlirlər, ona görə də güman olunur ki, rabitə və internet məhdudlaşdırılıb. Hal-hazırda qar yağır, havanın temperature -10 dərəcəyə yaxındır. Belə bir vəziyyətdə həm etirazçılar, həm xüsusi təyinatlılar müdafiə sədləri quraraq gözləmə mövqeyində dayanıblar”.



Live streaming video by Ustream