Kürün yuxarı axınından gələn su ilk olaraq Şəmkir su anbarında toplanır. Amma bu, anbarın su tullayıcı qurğusunda olan zədə hövzədə çox su toplamağa mane olur. Bunu ANS-ə müsahibəsində “Meliorasiya və Su Təsərrüfatı” ASC-nin sədri Əhməd Əhmədzadə də təsdiqləyib. O, ehtiyatlı olmağı tövsiyyə etməklə yanaşı vəziyyətin qorxulu olmadığını da bildirib.

ANS-in Gəncə bürosunun müxbiri isə bu gün Şəmkir su anbarında olub və oradakı problemlərlə yanaşı həm də hövzənin su tutumu ilə maraqlanıb.

Kür çayının Gürcüstan ərazisindən ölkəyə daxil olan hissəsində hazırda saniyədə 800 kubmetr su axını müşahidə olunur. Şəmkir su anbarına tökülənəcən Kürə daha dörd çay - Xram, Ağstafa, Zəyəm və Şəmkir çayları da qoşulur və Nəticədə anbara saniyədə 850 kubmetr su daxil olur. Şəmkir su anbarından çıxan suyun həcminin isə 760 kubmetr olduğu bildirilir.

Bu il Kür çayı üçün son 30 illə müqaisədə ən çox sulu il hesab olunur. Kür çayının ilk olaraq töküldüyü, ümumi su tutumu 2,7 milyard kubmetrə bərabər olan Şəmkir su anbarında hazırda 2 milyon 100 kubmetr su var. Su səthinin səviyyəsi hazırda 152 metrə bərabərdir. Burada maksimal hədd isə 158 metr hesab olunur. Qeyd edək ki, Şəmkir su anbarı Mingəçevir su anbarına nisbətən dəniz səviyyəsindən yüksəklikdə yerləşdiyindən oradakı ümumi hündürlük 158 metrdir və şəmkir andarında da suyun səviyyəsi bu həddlə ölçülür.

Şəmkir Su Elektrik Stansiyası silsiləsinə daxil olan Yenikənd su anbarının ümumi tutumu isə 158,5 milyon kubmetrə bərabərdir. Hazırda bu anbara da saniyədə 850 kub su daxil olur və bir o qədər də çıxır. Yəni indi bu anbarda qəbul edilən su həcminin saxlanılması həyata keçirilmir.

Kür ətrafı kəndlərin sakinləri də yaxınlıqda yerləşən anbarlardakı vəziyyəti müşahidə edə bilir və çayda suyun həcminin bir neçə dəfə artmasını iddia edirlər. Şəmkir sakinlərinin

Yerli sakinlərin sözlərinə görə, Şəmkir su anbarının bəndlərindən birində artıq neçə ildir ki, qəza vəziyyəti yaranıb və anbara nisbətən artıq su yığılmaması da bununla əlaqədardır. Baxmayaraq Şəmkir SES-in rəhbərliyi bu faktı təsdiqləmir.