Futbol üzrə Avropa Çempionatında mükəmməl çıxışı ilə yadda qalan Türkiyə millisi bu gün İstanbula qayıdıb. Komandanın üzvləri Türkiyədə çempion kimi qarşılanıb. Millilər Türkiyə Hava Yollarına məxsus xüsusi təyyarə ilə qayıdıb. Hava limanına toplaşan azarkeşlər futbolçuları çiçəklər və sevgi nümayişi işə qarşılayıb. Azarkeşlər daha çox Semih, Arda, Sərvət və Aurelioya xüsusi diqqət ayırıb.
Hava limanından Taksim meydanına qədər futbolçuları aparan avtobusu 100-ə yaxın avtomobil müşaiyyət edib. Taksim meydanında isə futbolçuları minlərlə insan qarşılayıb. Meydanda qurulan səhnədə müğənni Demet Akalın mahnıları ilə komanda üzvlərini gözləyən azarkeşlər, təxminən 1 aydır ki, televiziya vasitəsilə izlədiyi futbolçuları gətirən avtobusu dövrəyə alıb. Azarkeşlər üzərində çıxış edən Səbri Sarıoğlu, onları qarşılamağa gələnlərə təşəkkürünə bildirib. Sonra həm futbolçular, həm də azarkeşlər «Türkiyə» şüarı səsləndirib. /ANS PRESS/

 Fotolara burada baxa bilərsiniz

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.