MHP ermənilərdən üzr istəyənlərə qarşı bəyanat yayıb

MHP "ermənilərdən üzr istəyənlərə" qarşı bəyanat yayıb

Türkiyənin Millətçi Hərəkat Partiyası bir qrup ziyalının internetdə başlatdığı “ermənilərdən üzr istəyirik” kampaniyasına qarşı hazırladığı bəyanatı imzalamaq üçün açıq elan edib

Türkiyənin Millətçi Hərəkat Partiyası (MHP) bir qrup türk ziyalısının ermənilərdən üzr istəmək üçün internetdə başlatdığı kampaniyaya etiraz olaraq bəyanat yayıb. MHP "ermənilərdən üzr istəyirik” kampaniyasına qarşı hazırladığı bəyanatı imzalamaq üçün açıq elan edib.

MHP İdarə heyətinin üzvləri Mehmet Şandır, Oktay Vural və MHP sədrinin müavini Atilla Qaya Türkiyə Böyük Millət Məclisində (TBMM) keçirdikləri mətbuat konfransında bəyanatı ictimaiyyətə təqdim edib.

MHP-nin hazırladığı bəyanat belədir:
''Uca Türk Millətinə: Bir qrup qondarma ziyalının başlatdığı və 1915-ci ildə baş verən hadisələr haqqında tarixi həqiqətlərə zidd olaraq Türkiyənin tarixini qaralamağa yönəlmiş üzr kampaniyasını qınayırıq. 1915-ci ildə cərəyan edən hadisələr, erməni qruplaşmalarının yılında cereyan edən hadisələr, erməni qruplaşmalarının törətdiyi zülmlərdən sonra baş verən qarşılıqlı qarşıdurma və döyüşlərdən sonra yaranmış bir vəziyyətdir. Türk millətinin şərəfli tarixində utanacağı bir səhifə, üzr istəniləsi bir hadisə yoxdur. Tarixi təhrif edərək əcdadlarımızı ləkələmək, cinayət törətmiş kimi göstərməyə çalışmaq və üzr tələb etmək heç kimin haqqı və həddi deyil. Anadolu coğrafiyasında baş verən erməni vəhşiliyi, şəhid olan diplomatlarımız və ermənilərin Azerbaycandakı qətliamlarının acı izləri yaddaşlardan silinməyib. Türkiyəni ən ağır insanlık cinayəti törətməkdə məhkum etməyə çalışan və ermənilərin saxta soyqırım yalanının vəkilliyini edənlərə bu həqiqətləri xatırlatmaq istəyirik.''

Mehmet Şandır mətbuat konfransında bu kampaniyaya qoşulanları şiddətlə qınadıqlarını və qondarma ziyalılardan utandıqlarını deyib: ''Bu bəyanatı bütün millət vəkillərinə, imzalamaq istəyən ziyalılar üçün açıq elan edirik.'' Mehmet Şandır bəyanata ilk imzanı MHP sədri Dövlət Baxçalının çəkdiyini qeyd edib.

MHP Idarə heyətinin üzvü Oktay Vural bu bəyanatın yalnız partiya ilə bağlı məsələ olmadığını, bunun milli məsələ olduğunu deyib. Bu mövzu ilə bağlı mətnin CHP və AKP partiyalarının İdarə Heyətlərinin üzvlərinə də təqdim olunduğunu bildirən Vural, öz imzaları ilə bu mövzuyla bağlı etirazlarını bildirmək istəyən millət vəkillərinə şərait yaradıldığını deyib. /ANS PRESS/