ANSTV
ANSÇM
30 ildən sonra nəşi tapılan şəhidin qalıqları dəfn olunacaq
Bu barədə şəhidin ailə üzvləri bildiriblər
1 dəqiqədən az
993-cü ildə itkin düşən və 30 il sonra qalıqları tapılan şəhid Əli Heydər oğlu Hüseynovun nəşi sentyabrın 11-də Füzulidə dəfn ediləcək.
Bu barədə şəhidin qardaşı oğlu, jurnalist Tağı Türk bildirib:
“30 il bundan qabaq Qarabağda döyüşlər zamanı itkin düşmüş, 1968-ci ildə Füzuli rayonunun Yağlıvənd kəndində anadan olmuş, Xocavənd rayonunun Edilli kəndində kütləvi məzarlıqdan nəşinin qalıqları tapılmış və artıq şəxsiyyəti müəyyən edilmiş Hüseynov Əli Heydər oğlunun qalıqları 11 sentyabr tarixində saat 9:00-da 1 saylı Tibbi Kliniki Xəstəxanasından (Semaşko) ailəmizə təhvil veriləcək. Dəfn mərasimi həmin gün saat 15:00-da Füzuli rayonunun Araz Yağlıvənd qəbristanlığında həyata keçiriləcək”, - jurnalist deyib.
