ANSTV
ANSÇM
Arpine Sarkisyan Ermənistanın yeni daxili işlər naziridir
Bu barədə Ermənistanın baş naziri Nikol Paşinyan məlumat verib
1 dəqiqə
Ermənistanda daxili işlər nazirinin müavini vəzifəsini tutan Arpine Sarkisyan daxili işlər naziri təyin olunub.
Bu barədə Ermənistanın baş naziri Nikol Paşinyan öz “Facebook” səhifəsində yazıb: “Hörmətli həmvətənlər, hazırda daxili işlər nazirinin müavini vəzifəsini tutan Arpine Sarkisyan daxili işlər naziri təyin olunub”, - Paşinyan yazıb.
Xatırladaq ki, istefaya göndərilən keçmiş nazir Vahe Qazaryan Paşinyanın sinif yoldaşı olub və ona ən yaxın məmur olduğu qeyd olunur.
Qeyd edək ki, Arpine Sarkisyan 2022-ci ilin yanvarında daxili işlər nazirinin müavini təyin edilib. O, buna qədər Ədliyyə Nazirliyinin cinayət qanunvericiliyi, penitensiar və probasiya siyasətinin inkişafı şöbəsinin müdiri vəzifəsində çalışıb.
Sarkisyan qərbyönlü qanadla əlaqələri, həmçinin ABŞ-ın Ermənistandakı səfirliyi ilə sıx əlaqələri ilə tanınır.
Yeri gəlmişkən, Arpine Sarkisyanın Daxili İşlər Nazirliyinə təyinatı Ermənistanın təhlükəsizlik bloklarının rəhbəri postuna dördüncü qadın təyinatıdır. Baş prokuror, ədliyyə naziri, əks-kəşfiyyat rəhbəri, indi isə Daxili İşlər Nazirliyi.
