Xəzər dənizində “AZIREX-2024” birgə təlimi keçiriləcək

Bu barədə Azərbaycan Müdafiə Nazirliyi məlumat yayıb YENİLƏNİB

Oxuma müddəti:

1 dəqiqə

20:10

Azərbaycan və İran İslam Respublikası Ordusunun Hərbi Dəniz Qüvvələrinin bir qrup şəxsi heyəti və gəmisinin iştirakı ilə “AZIREX-2024” birgə taktiki təlimi keçiriləcək.

Bu barədə Azərbaycan Müdafiə Nazirliyindən bildirilib.

Təlimlər Azərbaycan Respublikasının Müdafiə Nazirliyi ilə İran İslam Respublikası Silahlı Qüvvələrinin Baş Qərargahı arasında imzalanmış hərbi və hərbi-texniki əməkdaşlığa dair birgə komissiyanın iclasının protokoluna əsasən baş tutacaq.

Noyabrın 2-də təlimdə iştirak etmək məqsədilə qonşu ölkəyə səfər etmiş Azərbaycan Ordusunun şəxsi heyət və döyüş gəmiləri Ənzəli dəniz limanına gəliblər.

Xəzər dənizinin İran İslam Respublikasına mənsub hissəsində keçiriləcək "Dənizdə axtarış-xilasetmə" təliminə Azərbaycan Hərbi Dəniz Qüvvələrinin 2 vahid gəmisi və 100-dən çox şəxsi heyəti qatılacaq.

***

14:24

Azərbaycan və İran Xəzər dənizində birgə hərbi təlim keçirir.

Bu barədə "Mehr" agentliyi məlumat yayıb.

Birgə hərbi təlim “Sülh və dostluq naminə əməkdaşlıq!” şüarı altında keçirilir.