Bakını “Dağlıq Qarabağa təcavüzdə” suçlayan deport edildi

ATƏT-in DTİH bürosunun İsveçrədən olan müşahidəçisi Nik Guggerə Azərbaycana girişə icazə verilməyib

Oxuma müddəti:

1 dəqiqədən az

ATƏT-in Demokratik Təsisatlar və İnsan Hüquqları Bürosunun İsveçrədən olan müşahidəçisi Nik Guggerin Azərbaycana girişinə icazə verilməyib. Onu Bakı aeroportunda geri göndəriblər.

Sosial şəbəkələrdə yayılan məlumatlara görə, polis onun pasportunu əlindən alıb, 3 saat hava limanında saxlayıb, sonra İstanbula uçan təyyarə ilə Azərbaycandan deportasiya edib.

Azərbaycan KİV-in məlumatına görə, əvvəllər Gugger Bakını “Dağlıq Qarabağa təcavüzə” görə tənqid edib.

İsveçrənin Azərbaycandakı səfirliyindən hələlik şərh almaq mümkün olmayıb.

Bu, ATƏT müşahidəçisinin Bakıdan deportasiya edilməsi ilə bağlı ilk hadisədir.