“Qarabağ” “Malmö”ya uduzdu

22:41

UEFA Avropa Liqasının əsas mərhələsinin ikinci turunda Bakıda keçirilən “Qarabağ” – “Malmö” matçı başa çatıb.

Tofiq Bəhramov adına Respublika Stadionunda baş tutan qarşılaşma rəqibin 2:1 hesablı qələbəsi ilə yekunlaşıb. Hesabı 15-ci dəqiqədə “Qarabağ”ın hücumçusu Olavio Juninyo açıb. Lakin rəqibin heyətində Erik Botheym 19-cu və 47-ci dəqiqələrdə dubla imza ataraq komandasına qələbə qazandırıb. “Qarabağ” növbəti oyununu oktyabrın 24-də doğma meydanda Niderlandın “Ayaks” komandasına qarşı keçirəcək.

***

21:55

UEFA Avropa Liqasının Liqa mərhələsinin II turunun "Qarabağ" - "Malmö" (İsveç) matçında 3-cü qol vurulub.

Erik Botheym 47-ci dəqiqədə (II hissə) 2-ci qolu "Qarabağ"ın qapısından keçirib - 2:1.

Tofiq Bəhramov adına Respublika stadionunda keçirilən qarşılaşmada hesabı "Qarabağ" açıb. 15-ci dəqiqədə Juniniyo fərqlənib. 19-cu dəqiqədə isə "Malmö"nün futbolçusu Erik Botheym bərabərlik qolunu vurub.

BİRBAŞA

***

21:35

UEFA Avropa Liqasının əsas mərhələsinin ikinci turunda Bakıda keçirilən “Qarabağ” – “Malmö” matçında birinci hissə başa çatıb.

Komandalar Tofiq Bəhramov adına Respublika Stadionunda baş tutan qarşılaşmanın fasiləsinə 1:1 hesablı heç-heçə ilə yollanıblar. Oyunu Yunanıstandan olan referi Anastasios Papapetrou idarə edir.

***

21:13

UEFA Avropa Liqasının əsas mərhələsinin ikinci turunda Bakıda keçirilən “Qarabağ” – “Malmö” matçında ikinci qol vurulub.

Tofiq Bəhramov adına Respublika Stadionunda baş tutan qarşılaşmanın 19-cu dəqiqəsində rəqibin heyətində Erik Boteyim fərqlənib. Oyunu Yunanıstandan olan referi Anastasios Papapetrou idarə edir.

***

21:09

UEFA Avropa Liqasının əsas mərhələsinin ikinci turunda Bakıda keçirilən “Qarabağ” – “Malmö” matçında hesab açılıb.

Tofiq Bəhramov adına Respublika Stadionunda baş tutan qarşılaşmanın 15-ci dəqiqəsində Olavio Juninyo komandasını önə keçirib.

Oyunu Yunanıstandan olan referi Anastasios Papapetrou idarə edir.

***

20:59

UEFA Avropa Liqasının əsas mərhələsinin ikinci turunda Bakıda keçirilən “Qarabağ” – “Malmö” matçı start götürüb.

Tofiq Bəhramov adına Respublika Stadionunda baş tutan qarşılaşma 20:45-də başlayıb. Oyunu Yunanıstandan olan referi Anastasios Papapetrou idarə edir.

***

20:10

UEFA Avropa Liqasının əsas mərhələsinin ikinci turunda bu gün Bakıda keçiriləcək “Qarabağ” - “Malmö" (İsveç) matçının start heyətləri bəlli olub.

Avropa futbol qurumunun rəsmi saytı xəbər verir ki, komandalar meydana aşağıdakı heyətlərlə çıxacaqlar.

“Qarabağ”: Fabiyan Buntiç, Bəhlul Mustafazadə, Abbas Hüseynov, Julio Romao, Elvin Cəfərquliyev, Kevin Medina, Patrik Andrade, Leandro Andrade, Yassin Benzia, Abdullah Zubir, Olavio Juninyo.

Baş məşqçi: Qurban Qurbanov.

"Malmö": Dahlin, Rösler, Yansson, Busanello, Pena, Yohansen, Larsson, Kristiansen, Botheim, Kiese Thelin, Berq

Baş məşqçi: Henrik Ridström

Qeyd edək ki, Tofiq Bəhramov adına Respublika Stadionunda keçiriləcək oyun saat 20:45-də start götürəcək.

***

15:30

Bu gün Azərbaycanın “Qarabağ” klubu Avropa Liqasının əsas mərhələsinin 2-ci turunun oyununu keçirəcək.

Qurban Qurbanovun komandası evdə İsveçin “Malmö” klubu ilə qarşılaşacaq.

20:45 QARABAĞ (Azərbaycan) – MALMO (İsveç)

Bakı, Tofiq Bəhramov adına stadion. Baş hakim Anastasios Papapetrudur (Yunanıstan).

"Qarabağ" (təxmini heyət): Mateuş Kohalski, Bəhlul Mustafazadə, Bədavi Hüseynov, Abbas Hüseynov, Elvin Cəfərquliyev, Julio Romao, Patrik Andrade, Yassin Benzia, Toral Bayramov, Abdellah Zubir, Juninyo.

Malmö (təxmini heyət): Yohan Dahlin, Kolin Rosler, Pontus Yansson, Yens Strüger, Busanello, Serxio Pena, Lasse Berq Yonssen, Anders Kristiansen, Oliver Berq, Hüqo Bohlin, İsaak Kise-Telin.

Qeyd edək ki, "Qarabağ" bundan əvvəl İngiltərənin "Tottenhem"i ilə (0:3) qarşılaşıb. Hazırda ağdamlılar ümumi hesabda 34-cü yeri tutur.