ANS Press

ANS Press

Dec 30, 2023 - 17:24

XƏBƏRLƏR / Diplomatiya

C.Bayramov “persona non grata” larla görüşdü

Bu barədə XİN-dən bildirilib

C.Bayramov “persona non grata” larla görüşdü

  • Oxuma müddəti:

    1 dəqiqə

    • Dekabrın 30-da Azərbaycan Respublikasının xarici işlər naziri Ceyhun Bayramov Fransa Respublikası tərəfindən dekabrın 27-də heç bir əsas olmadan “persona non grata” elan edilmiş Fransadakı səfirliyimizin əməkdaşları ilə görüşüb.

    Xarici İşlər Nazirliyinin Mətbuat xidməti idarəsindən bildirilib ki, nazir Ceyhun Bayramov səfirlik əməkdaşlarına göstərdikləri səmərəli diplomatik xidmətə görə təşəkkür edib.

    Fransa tərəfindən atılan bu əsassız addımın sözügedən ölkə tərəfindən Azərbaycan və Fransa arasında mövcud ikitərəfli münasibətlərə vurulan növbəti zərbə olduğu bildirilib.

    İkitərəfli münasibətlərdə hökm sürən gərginliyin səbəbkarının ölkəmizə qarşı qərəzli mövqe nümayiş etdirərək əsassız addımlar atan Fransa tərəfinin olduğu qeyd edilib.

    Nazir Ceyhun Bayramov səfirlik əməkdaşlarına bundan sonrakı diplomatik fəaliyyətlərində uğurlar arzulayıb.