I yarımildə Qarabağa 2 mlrd manata yaxın vəsait yönəldilib

Maliyyə Nazirliyi xəbər verir

Oxuma müddəti:

1 dəqiqədən az

Cari ilin ilk altı ayında sifarişçi təşkilatlar tərəfindən müvafiq layihələr üzrə təqdim edilmiş kassa sifariş sənədləri əsasında işğaldan azad olunmuş ərazilərin yenidən qurulması və bərpası məqsədilə illik nəzərdə tutulmuş 3 milyard 825 milyon manat vəsaitin 51,1 faizi və ya 1 milyard 953,5 milyon manatı istifadə olunub.

Maliyyə Nazirliyi xəbər verir ki, altı ayda sifarişçi təşkilatlar tərəfindən müvafiq layihələr üzrə təqdim edilmiş kassa sifariş sənədləri əsasında dövlət büdcəsində dövlət əsaslı vəsait qoyuluşu üçün nəzərdə tutulan vəsaitin 42,9 faizi və ya 1 milyard 64,9 milyon manat ayrılıb. Bu da 2023-cü ilin müvafiq dövrü ilə müqayisədə 306,2 milyon manat və ya 40,4 faiz çoxdur.