İran Naxçıvan vasitəsiylə Almaniaya 113 kq heroin yollayıb

Baş Gömrük İdarəsinin "Şahtaxtı" gömrük postu narkotiki aşkar edərək, müsadirə edib VİDEO

Oxuma müddəti:

0 dəqiqə

Naxçıvan Baş Gömrük İdarəsinin "Şahtaxtı" gömrük postunda Azərbaycan ərazisindən tranzit keçməklə İrandan Almaniyaya "hazır qida məhsulları" yükü aparan nəqliyyat vasitəsinə stasionar rentgen qurğusunda baxış keçirilib və yük ətraflı gömrük yoxlamasına cəlb olunub.

İdarədən bildirilib ki, yoxlama zamanı narkotik vasitə 1218 ədəd plastik qabda konservləşdirilmiş düyünün alt hissəsində aşkarlanıb.

Gizlədilmiş heroinin xalis çəkisi 112 kq 761,757 qram olub.

Faktla bağlı araşdırma aparılır.

Qeyd edək ki, qara bazarda heroinin 1 kiloqramı keyfiyyətindən asılı olaraq 120-128 min ABŞ dollarına satılır.