ANSTV
ANSÇM
"İrəvan Qərbi Azərbaycanlıların qayıtmasına şərait yaratsın"
Bunu Qərbi Azərbaycan İcasının sədri Əziz Ələkbərli tələb edib
1 dəqiqə
Ermənistan Qərbi Azərbaycanlıların təhlükəsiz şəkildə geri qayıtması üçün şərait yaratmalıdır.
Qərbi Azərbaycan İcasının sədri Əziz Ələkbərli bunu Ordubadda keçirilən 3-cü "Qərbi Azərbaycana Qayıdış" konqres-festivalı zamanı jurnalistlərə bildirib.
O, Naxçıvanın da Qərbi Azərbaycanlıların yaşadığı faciələrə şahid olduğunu və bu baxımdan bu cür tədbirlərin burada keçirilməsinin xüsusilə əhəmiyyətli olduğunu qeyd edib. Ələkbərli Qərbi Azərbaycanlıların öz doğma torpaqlarına qayıtmasının fundamental insan hüquqlarına və beynəlxalq hüquqa uyğun olduğunu qeyd edib.
O, regiondakı yeni reallıqların Qərbi Azərbaycanlıların öz doğma torpaqlarına qayıtmasının qaçılmaz olduğunu nümayiş etdirdiyini vurğulayıb.
Ələkbərli əlavə edib ki, Ermənistan bu reallığı qəbul etməli və Qərbi Azərbaycanlıların təhlükəsiz, ləyaqətli və dinc şəkildə geri qayıtması üçün şərait yaratmalıdır.
