İslam ölkələri təcili iclasa toplanır
Bu barədə İran Xarici İşlər Nazirliyinin sözçüsü Nasir Kənani bildirib
![İslam ölkələri təcili iclasa toplanır](/uploads/images/2023/07/rs/image_750x_64c0b41e30078-750-1080-resize.webp)
İran və İraqın təklifi ilə İslam Əməkdaşlıq Təşkilatı (İƏT) İsveç və Danimarkada Qurana qarşı edilən təhqirlərə görə iyulun 31-də fövqəladə iclas keçirəcək.
Bu barədə İran Xarici İşlər Nazirliyinin (XİN) sözçüsü Nasir Kənani bildirib.
O, İranın xarici işlər naziri Hüseyn Əmir Abdullahiyanın məsələ ilə bağlı İƏT-ə üzv ölkələrin xarici işlər nazirləri ilə müzakirə apardığını deyib: "İslam Əməkdaşlıq Təşkilatına rəsmi görüş sorğusu göndərilib. Quran təhqir olunduğu üçün bu növbədənkənar iclasın bazar ertəsi onlayn keçirilməsinə qərar verilib".