ANS Press

ANS Press

Jan 12, 2024 - 09:21

XƏBƏRLƏR / Kriminal

Lerikdə əməliyyat

Nicat Quliyevdə silah-sursat və narkotik vasitə aşkarlanıb

Lerikdə əməliyyat
Nicat Quliyev

  • Oxuma müddəti:

    1 dəqiqədən az

    • Lerik rayon sakinindən silah-sursat və narkotik vasitə aşkarlanıb.

    Daxili İşlər Nazirliyinin mətbuat xidmətinin Lənkəran regional qrupundan verilən məlumata görə, Lerik Rayon Polis Şöbəsinin əməkdaşlarının keçirdikləri əməliyyat tədbirləri nəticəsində narkotik vasitələrin qanunsuz dövriyyəsi və qanunsuz odlu silah saxlamaqda şübhəli bilinən rayon sakini, əvvəllər məhkum olunmuş Nicat Quliyev saxlanılıb. Şəxsi axtarış zamanı ondan marixuana aşkarlanıb.

    Əməliyyat tədbirlərinin davamı olaraq onun Lerik şəhəri ərazisindəki zibil poliqonunda yerləşən köhnə tikilinin damında gizlətdiyi "AK-74" markalı avtomat, həmin silaha aid daraq, 17 ədəd patron və sellofan bükümdə marixuana aşkarlanaraq götürülüb.

    N.Quliyev barəsində məhkəmənin qərarı ilə həbs qətimkan tədbiri seçilib.

    Faktla bağlı Lerik Rayon Polis Şöbəsində araşdırma aparılır.