Müdafiə naziri misirli həmkarı ilə görüşüb
Zakir Həsənov Mohamed Ahmed Zaki ilə "EDEX 2023" beynəlxalq müdafiə sərgisi çərçivəsində bir araya gəlib
![Müdafiə naziri misirli həmkarı ilə görüşüb](/uploads/images/2023/12/rs/image_750x_656f14145aa1e-750-1080-resize.webp)
"EDEX 2023" beynəlxalq müdafiə sərgisində iştirak etmək üçün Misirdə olan Azərbaycan Respublikasının müdafiə naziri general-polkovnik Zakir Həsənovun bu ölkəyə səfəri davam edir.
Səfər çərçivəsində general-polkovnik Z.Həsənov Misir Ərəb Respublikasının müdafiə naziri general-polkovnik Mohamed Ahmed Zaki ilə görüşüb.
Azərbaycanın Misirdəki Fövqəladə və Səlahiyyətli səfiri Elxan Poluxovun da iştirak etdiyi görüşdə ölkələrimiz arasında hərbi, hərbi-texniki sahələrdə əməkdaşlığın cari vəziyyəti və inkişaf perspektivləri, eləcə də qarşılıqlı maraq doğuran digər məsələlər müzakirə edilib.