NATO yubiley Sammitinin yekun bəyannaməsi

Sammitdən sonra NATO-nun birgə bəyannaməsindən:

* Şimali Atlantika Alyansı hələ də Rusiyanı NATO dövlətləri üçün əsas təhlükə hesab edir.

* Şimali Atlantika Alyansı qarşıdurmaya can atmır və Rusiya üçün təhlükə yaratmır. NATO riski azaltmaq və eskalasiyanın qarşısını almaq üçün Rusiya Federasiyası ilə əlaqə kanallarını saxlamağa davam etməyə hazırdır.

* NATO ölkələri Ukraynanı “tam Avro-Atlantik inteqrasiyaya doğru dönməz yolda” dəstəkləməyə davam edəcək.

* NATO ölkələri Ukraynanın təhlükəsizlik və demokratiya islahatlarını dəstəkləməyə davam edəcək və onların gedişatı hər il qiymətləndiriləcək.

* Müttəfiqlər Kiyevin bütün lazımi şərtləri yerinə yetirməsi ilə razılaşdıqda NATO Ukraynaya alyansa qoşulmaq üçün dəvət göndərəcək.

* NATO Ukraynada demokratiya və təhlükəsizlik sahələrində islahatları dəstəkləyəcək və onları hər il qiymətləndirməyə davam edəcək.

* Şimali Atlantika Alyansı müttəfiqlər və tərəfdaşlar tərəfindən Ukraynaya hərbi texnika və təlimlərin verilməsini koordinasiya etmək üçün NATO-nun Ukraynaya Təhlükəsizliyə Yardım və Təlim Təşkilatını (NSATU) yaradır. NSATU NATO-nu münaqişə tərəfi etməyəcək - o, Ukraynanın müdafiə və təhlükəsizlik qüvvələrinin transformasiyasını dəstəkləyəcək, onun NATO ilə sonrakı inteqrasiyasını təmin edəcək.

* Şimali Atlantika Alyansı Moskvanı dəstəkləyən hər bir dövləti pisləyib. NATO ölkələri həmçinin növbəti müttəfiqlik sammiti üçün Rusiya ilə münasibətlərə strateji yanaşmalar üzrə tövsiyələr hazırlamaq barədə razılığa gəliblər.

* NATO 2025-ci ildə Ukraynaya 40 milyard avro hərbi yardım edəcək.

* NATO Hind-Sakit okean regionu ölkələri ilə əməkdaşlığı dərinləşdirməyi planlaşdırır.

*NATO Qara dəniz və Şərqi Balkanlarda genişlənməyə davam edəcək.

*NATO “sülhə dəstək” üçün Yaxın Şərq və Afrikadakı mövcudluğunu gücləndirməyi hədəfləyir

 * NATO kibertəhlükələrdən müdafiə üçün yeni mərkəz yaradır. Mərkəz NATO hərbi komandirlərini kiberməkanda mümkün təhlükələr və zəifliklər, o cümlədən hərbi fəaliyyətləri dəstəkləmək üçün lazım olan özəl mülki əhəmiyyətli infrastruktur haqqında məlumatlandıracaq. Mərkəz NATO-nun Avropadakı Müttəfiq Qüvvələrində yerləşəcək və ona bütün NATO müttəfiqlərinin mülki və hərbi personalı, eləcə də sənaye sektorunun ekspertləri daxil olacaq.

*NATO 2023-cü il Alyans Zirvə Toplantısında Vilnüs Kommünikesində təsbit olunmuş nüvə qarşısının alınması, silahlara nəzarət siyasəti, silahların yayılmaması və tərksilah məqsədləri ilə bağlı bütün qərarlara, prinsiplərə və öhdəliklərə sadiqliyini bir daha təsdiq edir.

* NATO ölkələri öz nüvə potensialını modernləşdirmək və bu sahədə planlaşdırmanı təkmilləşdirmək niyyətindədirlər.

* NATO ölkələri müdafiə xərclərinə ÜDM-in ən azı 2%-i həcmində öhdəlik götürüblər.

* NATO 2025-ci ildə Hollandiyada, 2026-cı ildə Türkiyədə zirvə toplantısı keçirəcək.