ANS Press

ANS Press

Sep 6, 2024 - 10:19 Yeniləndi: Sep 6, 2024 - 10:22

XƏBƏRLƏR / Hava

Neft Daşlarında dalğanın hündürlüyü 4 metrə yaxın olub

Milli Hidrometeorologiya Xidmətinin məluatı

Neft Daşlarında dalğanın hündürlüyü 4 metrə yaxın olub

  • Oxuma müddəti:

    1 dəqiqədən az

    • Milli Hidrometeorologiya Xidmətindən verilən xəbərə görə, sentyabrın 6-sı saat 9:00-a olan məlumatına əsasən ölkə ərazisində hava şəraiti yağmursuz keçib. Lakin səhər saatlarında Sarıbaş (Qax), Zaqatala, Balakəndə qısamüddətli yağış yağıb.

      Əvvəlcədən xəbər verildiyi kimi narıncı xəbərdarlığa uyğun olaraq şimal-qərb küləyi arabir Goranboyda 23 m/s, Naftalanda 22 m/s, sarı xəbərdarlığa uyğun olaraq isə Bakıda və Abşeron yarımadasında , Culfada 21 m/s Neftçalada 20 m/s, Şirvanda 19 m/s, Tərtər, Bərdə, Şamaxıda 16 m/s-dək güclənib. Neft Daşları stansiyasının məlumatına əsasən dalğanın hündürlüyü 3.6 metrə çatıb.

      Havanın maksimal temperaturu Bakıda və Abşeron yarımadasında 29, Naxçıvan MR-da 36, Aran rayonlarında 36, dağlıq rayonlarda 23 dərəcəyədək isti qeydə alınıb.