ANS Press

ANS Press

Feb 14, 2024 - 12:04

XƏBƏRLƏR / Hava

Nyu-Yorka son iki ilin ən güclü qarı yağıb

1100-dən çox uçuş ləğv edilib, məktəblər bağlanılıb

Nyu-Yorka son iki ilin ən güclü qarı yağıb

  • Oxuma müddəti:

    1 dəqiqədən az

    • Güclü qış fırtınası ABŞ-ın şimal-şərqinə doğru irəliləyib və Nyu-Yorka son iki ilin ən güclü qarı yağıb.

    CNN telekanalı xəbər verir ki, fırtına səbəbindən əksəriyyəti Nyu-York, Boston və Nyu-Cersidəki əsas hava limanları olmaqla, 1100-dən çox uçuş ləğv edilib, məktəblər bağlanılıb.

    Güclü qar Pensilvaniyada 130 mindən çox, Nyu-Cersi, Nyu York, Konnektikut, Merilend, Rhode-Aylend, Massaçusets və Virciniyada isə minlərlə evin elektrik enerjisinin kəsilməsinə səbəb olub.

    Küləklə müşahidə olunan yağıntı nəticəsində yollarda avtomobillərin hərəkəti çətinləşib. Polisin məlumatına əsasən, gün ərzində Nyu-Cersidə 250-dən çox avtomobil qəzası baş verib.