Paris-2024: Azərbaycanın daha bir güləşçisi 5-ci yeri tutdu

77 kiloqramda mübarizə aparan idmançı qırğızıstanlı Akjol Mahmudovla qarşılaşıb

Oxuma müddəti:

1 dəqiqədən az

Azərbaycanın yunan-Roma güləşçisi Sənan Süleymanov "Paris-2024" Yay Olimpiya Oyunlarında bürünc medal görüşünə çıxıb.

77 kiloqramda mübarizə aparan idmançı qırğızıstanlı Akjol Mahmudovla qarşılaşıb.

Rəqibinə 5:6 hesabı ilə uduzan S.Süleymanov 5-ci yerlə kifayətlənib.

Daha əvvəl Sabah Şəriəti (130 kiloqram) Paris Olimpiadasında analoji nəticəyə imza atıb.

Qeyd edək ki, hazırda Azərbaycanın aktivində iki medal var. Cüdoçular Hidayət Heydərov (73 kiloqram) və Zelim Kotsoyev (100 kiloqram) Olimpiya çempionu olublar, Alfonso Dominqes (92 kiloqram) isə finala vəsiqə qazanmaqla ən azı gümüş mükafatı təmin edib.