Prezident ədliyyə naziri təyin etdi
Bununla bağlı Prezident müvafiq Sərəncam imzalayıb
![Prezident ədliyyə naziri təyin etdi](/uploads/images/2024/02/rs/image_750x_65dd98f0886d5-750-1080-resize.webp)
Fərid Turab oğlu Əhmədov Azərbaycan Respublikasının ədliyyə naziri təyin edilib.
Bununla bağlı Prezident İlham Əliyev Sərəncam imzalayıb.
Bu vəzifəyə qədər Fərid Əhmədov rəqəmsal inkişaf və nəqliyyat nazirinin müavini olub.
1979-cu ildə Bakı şəhərində anadan olmuşdur.
2000-ci ildə Bakı Dövlət Universitetində hüquqşünaslıq ixtisası üzrə bakalavr təhsilini bitirmişdir.
2002-ci ildə Beynəlxalq hüquq üzrə magistr təhsilini bitirmişdir.
2003cü ildə “Chevening” təqaüdçüsü olaraq İngiltərənin Esseks Universitetində beynəlxalq insan hüquqları ixtisası üzrə magistr dərəcəsi almışdır.
2009-cu ildə Doktorantura pilləsi üzrə təhsilini almaq məqsədilə İngiltərənin Oksford Universitetinə “Weidenfeld” təqaüdçüsü olaraq daxil olmuşdur.
2016-cı ildə Oksford Universitetinin hüquq üzrə fəlsəfə doktoru elmi dərəcəsini almışdır.
2006-2007-ci illərdə Milli Məclis Aparatının İnzibati və Hərbi qanunvericilik şöbəsində məsləhətçi vəzifəsində çalışmışdır.
2015-2017-ci illərdə “Azərbaycan” Universitetinin rektoru olmuşdur.
2017-2020-ci illərdə “Bakı Beynəlxalq Dəniz Ticarət Limanı” QSC-də baş direktorun müavini vəzifəsində çalışmışdır.
2021-ci ildə Nəqliyyat, rabitə və yüksək texnologiyalar nazirinin müşaviri təyin edilmişdir.
2022-ci ildə Azərbaycan Respublikası Prezidentinin 2022-ci il 24 may tarixli Sərəncamı ilə rəqəmsal inkişaf və nəqliyyat nazirinin müavini təyin edilmişdir.
İngilis və rus dillərini bilir.
Ailəlidir.