Qlobal Cənub ölkələri müstəqil “üçüncü qüvvə” formalaşdırır

Azərbaycanın da daxil olduğu Qlobal Cənub ölkələri onilliyin sonuna kimi qlobal iqtisadi artımın əsas drayverinə çevriləcək və dünya səhnəsində müstəqil “üçüncü qüvvə” formalaşdıracaq.

Bu barədə "Boston Consulting Group"un (BCG) hesabatında deyilir.

Hesabatda qeyd olunur ki, Qlobal Cənubun ümumi ÜDM-i 2029-cu ilə qədər ildə orta hesabla 4,2%, inkişaf etmiş ölkələr üçün isə 1,9% artacaq.

"Qlobal Cənub ölkələri arasında illik ticarətin 2033-cü ilə qədər 14 trilyon dollara çatacağı gözlənilir və bu ticarətin artan payı ölkələrin özləri arasında olacaq: Cənub-Cənub ticarəti Qlobal Şimal ölkələri arasında ildə 2,2 faizlə müqayisədə ildə 3,8 faiz artacaq", BCG qeyd edir.

Hesabatda bildirilir ki, Braziliya və Hindistan kimi “çox ittifaqlı” ölkələr həm Çin, həm də Qərblə əlaqələr qurmaqla öz iqtisadi artımını və davamlı inkişafını gücləndirir, Qlobal Cənubda fəaliyyət göstərən şirkətlər isə daha böyük biznes imkanları əldə edirlər.

Hesabatda deyilir: "Qlobal Cənubda fəaliyyət göstərən şirkətlər üçün biznes strategiyalarını lokallaşdırmaq, Cənub-Cənub tərəfdaşlıqlarına və təchizat zəncirinin dayanıqlığına sərmayə qoymaq və davamlılığı rəqabət üstünlüyü mənbəyi kimi inteqrasiya etmək üçün əhəmiyyətli imkanlar var".