Rusiyanın hücumu nəticəsində Buçada 38 nəfər ölüb

Ukraynanın Kiyev vilayətinin Buça rayonuna Rusiya hərbçiləri tərəfindən genişmiqyaslı hücumun fəsadlarının aradan qaldırılması davam edir.  

Bu barədə "RBK Ukrayna" xəbər verir.

Rusiya Silahlı Qüvvələrinin hücumu nəticəsində 38 nəfər ölüb, aralarında iki uşaq olmaqla, 20 nəfər yaralanıb, daha 4 nəfər itkin düşüb.

Xilasedicilər yanğınların əksəriyyətini söndürüblər. Dövlət Fövqəladə Hallar Xidmətinin əməkdaşları hadisə yerində gecə-gündüz işləyir, partlayış təhlükəsi olan predmetləri müəyyən edir və zərərsizləşdirirlər. Ərazidə çirklənmənin miqyası əhəmiyyətlidir və bu iş davam edəcək.

Rusiya qoşunları mülki infrastruktura reaktiv dronlarla hücumu davam etdirir.

Ümumilikdə, təkcə bu həftə Rusiya Silahlı Qüvvələri təxminən 2 000 hücum dronu, 1 600-dən çox hava bombası və Şimali Koreyanın ballistik raketləri də daxil olmaqla, müxtəlif tipli 31 raket atıb. Zərbələr cəbhə xətti və sərhəd icmalarına - Nikopol, Kramatorsk, Xerson və Xarkov, Zaporojye, Dnepr, Donetsk və Sumı bölgələrindəki icmalara faktiki olaraq gecə-gündüz həyata keçirilir.

Ukrayna Prezidenti Volodimir Zelenski bildirib ki, Ukrayna Silahlı Qüvvələri Rusiya Silahlı Qüvvələrinin ölkə ərazisinə hər bir zərbəsinə cavab verəcək.