Kremlin Ukraynadakı Xüsusi Hərbi Əməliyyatının 1000-ci günü

Peskov: Rusiya bütün məqsədlərə çatana qədər əməliyyatı davam edəcək

Oxuma müddəti:

1 dəqiqə

Rusiya bütün məqsədlərinə çatana qədər xüsusi hərbi əməliyyat keçirəcək.

Bunu Rusiya Prezidentinin sözçüsü Dmitri Peskov deyib.

“Fəaliyyət planı var, həyata keçirilir, biz xüsusi hərbi əməliyyat keçiririk və qarşıya qoyulan bütün məqsədlərə çatana qədər onu həyata keçirəcəyik”, - deyə o, jurnalistlərə bildirib.

Məlumatı TASS yayıb.

Elə bu gün Rusiya prezidenti Vladimir Putin ölkənin nüvə silahının qarşısının alınması sahəsində dövlət siyasətinin əsaslarını təsdiqləyib.

Orada bildirilir ki, Rusiyanın nüvədən çəkindirmə sahəsində dövlət siyasəti müdafiə xarakteri daşıyır.

Eyni zamanda qeyd edilir ki, “hər hansı dövlətin hərbi koalisiyadan Rusiyaya və ya onun müttəfiqlərinə qarşı təcavüzü bütövlükdə bu koalisiyanın təcavüzü kimi qiymətləndirilir”.

Doktrinaya görə, nüvə silahından istifadə qərarı Rusiya Federasiyasının prezidenti tərəfindən verilir.