Sel suları Xaçmaz-Quba yolunda hərəkəti çətinləşdirib

Suyun axarı olmadığından ərazidə 10-15 metr məsafədə 30-40 santimetr dərinliyində sel suları toplanıb

Oxuma müddəti:

1 dəqiqədən az

Sel suları Xaçmaz-Quba yolunda avtomobillərin hərəkətini çətinləşdirib.

Mayın 18-i Xaçmazda yağan qısamüddətli leysan yağışı nəticəsində yaranan sel suları avtomobil yolunda böyük gölməçə əmələ gətirib. Bununla əlaqədar sürücülər Xaçmaz-Quba yolunun Bakı-Quba-Rusiya Federasiyası sərhədi yeni avtomobil yolu ilə kəsişməsindəki keçiddə çətinliklə hərəkət edirlər. Suyun axarı olmadığından ərazidə 10-15 metr məsafədə 30-40 santimetr dərinliyində sel suları toplanıb.