TAP vasitəsilə Avropaya 45 mlrd. kubmetrdən çox qaz ötürülüb

Bu barədə Energetika Naziriiyindən xəbər verilib

Oxuma müddəti:

1 dəqiqə

Cənub Qaz Dəhlizi Məşvərət Şurası nazirlərin 11-ci iclası və Yaşıl Enerji Məşvərət Şurası nazirlərin 3-cü iclası çərçivəsində energetika naziri Pərviz Şahbazov Trans-Adriatik Boru Kəmərinin (TAP) icraçı direktoru Luka Skyepatti ilə görüşüb.

Nazirlikdən bildirilib ki, görüşdə etibarlı enerji təchizatında təbii qazın və infrastrukturların inkişafının əhəmiyyəti, TAP layihəsinin genişləndirilməsi prosesinin cari vəziyyəti nəzərdən keçirilib. Cənub Qaz Dəhlizinin, o cümlədən TAP-ın enerji təhlükəsizliyinin təminatında strateji rolu yüksək qiymətləndirilib. Bildirilib ki, TAP qaza olan tələbatın İtaliyada 15 faizini, Yunanıstanda isə 18 faizini təmin edir. İndiyə qədər Avropaya ümumilikdə 45 milyard kubmetrdən çox qaz təchiz edilib.

Söhbət zamanı 2026-cı ildən etibarən kəmərin 1,2 milyard kubmetr genişləndirilməsindən sonra növbəti nəzərdə tutulan addımlar, həmçinin metan emissiyalarının azaldılması ilə bağlı da müzakirələr aparılıb.