ANSTV
ANSÇM
Tərtərdə baş verən mina partlayışının təfərrüatları
Partlayan TM62 PM-nin markalı tank əleyhinə mina olduğu ehtimal edilir
1 dəqiqə
Ötən gün Tərtərin işğaldan azad edilən Talış kəndi ərazisindəki insan tələfatı ilə nəticələnən mina partlayışının bəzi təfərrüatları məlum olub.
Hadisə Talış kəndində qeydə alınıb. Hadisənin baş verdiyi ərazi əvvəllər qoşunların təmas xətti olub.
"RPS Energy Ltd." şirkəti əməkdaşlarının hərəkət etdikləri yolda qalın ot örtüyü olub. Hadisənin baş verdiyi ərazidə tank əleyhinə mina basdırılıb. Hərəkətdə olan avtomobil şahmat üsulu ilə basdırılan minalardan birinə toxunub. Bu zaman baş verən partlayış zamanı avtomobil yoldan kənara düşüb.
Mütəxəssislərin bildirdiyinə görə, partlayan TM62 PM-nin markalı tank əleyhinə mina olduğu ehtimal edilir.
Hadisə nəticəsində həlak olmuş "RPS Energy Ltd." şirkətinin əməkdaşları - 1981-ci il təvəllüdlü Səxavət Gözəlov, 1982-ci il təvəllüdlü Nadir Yusifov və 1996-cı il təvəllüdlü Fərid Sədiyevdir. Faktla bağlı cinayət işi başlanıb.
