Yaxın 3 gün ərzində qeyri-sabit hava şəraiti davam edəcək
Milli Hidrometeorologiya Xidməti xəbərdarlıq edir
![Yaxın 3 gün ərzində qeyri-sabit hava şəraiti davam edəcək](/uploads/images/2023/07/rs/image_750x_64c271abbaa24-750-1080-resize.webp)
Yaxın üç gün ərzində Azərbaycan ərazisində qeyri-sabit hava şəraitinin davam edəcəyi gözlənilir.
Yaxın 3 gündə Bakıda və Abşeron yarımadasında küləkli hava şəraiti gözlənilir. İyulun 28-də cənub küləyinin sürəti 15-20 m/s, iyulun 29-dan 30-u səhərədək küləyin arabir 23-25 m/s-dək güclənəcəyi gözlənilir.
Milli Hidrometeorologiya Xidmətindən verilən məlumata görə, iyulun 29-da günün birinci yarısında yarımadanın bəzi yerlərində küləyin arabir 28-33 m/s-dək güclənəcəyi gözlənilir.
İyulun 29-da ölkə ərazisində havanın temperaturu 5-7° aşağı enəcək - 25+28° isti təşkil edəcək.
Azərbaycanın dağlıq və dağətəyi rayonlarında iyulun 28-dən 30-dək arabir yağış yağacağı gözlənilir.
Bəzi rayonlarda qısamüddətli yağış yağacağı, şimşək çaxacağı, dolu düşəcəyi ehtimalı var.
Qərb küləyinin sürəti arabir 15-20 m/s, bəzi yerlərdə 25-30 m/s-yə çatacaq.
Çaylarda sululuğun artacağı, bəzi dağ çaylarında daşqınların sel sularına çevrilməsi ehtimalı var.