2020-ci il müharibəsindən sonra...

2020-ci il müharibəsindən sonra V.Putin, E.Makron, O.Şolts, bəzi siyasətçilər və bir sıra ölkələrin parlament deputatlarının bəyanatları göstərir:

- Azərbaycanın Ermənistan tərəfindən 28 il ərzində həyata keçirdiyi silahlı təcavüzün və azərbaycanlı əhaliyə qarşı total etnik təmizləmənin nəticələrinin tam və qəti şəkildə aradan qaldırılmasına yaxınlaşmasından narazıdırlar;

- "münaqişələrin idarə edilməsi sistemi"nin region ölkələrinə siyasi təsir aləti olmaqdan çıxdığı vəziyyət onları qane etmir;

- Ermənistanın mövqeyinə dəstək xarici oyunçuların və münaqişə qarşıdurmasını davam etdirmək istəyən Ermənistanın hakim elitasının məqsədlərinin üst-üstə düşməsi ilə bağlıdır;

- Ermənistan elitasının regionda qüvvələrin kritik balanssızlığı səbəbindən əldə edilməsi mümkün olmayan məqsədlər naminə Ermənistan əhalisini və erməni əhalisinin qalıqlarını qəsdən yeni qurbanlara və itkilərə hazırlaması təəccüblüdür;

Mövcud vəziyyət və Azərbaycan ərazisinin dərinliklərində silahlı müqavimət ocaqlarını saxlamaq cəhdləri ilə əlaqədar olaraq, RSK-nın müvəqqəti nəzarəti altında olan ərazidə güclü əks-terror əməliyyatı keçirmək və qalan əraziləri işğaldan azad etməkdən  başqa çarəmiz yoxdur. 

Biz şərait yaratmalıyıq ki, yerli erməni əhalisini terror edən, reinteqrasiya prosesinə mane olan radikalların təzyiqlərini aradan qaldıraq.

Sanksiya və ya qətnamə ilə hədələr, ölkə Konstitusiyasına uyğun olaraq, suverenliyin və ərazi bütövlüyünün bərpası siyasətimizin həyata keçirilməsində bizə maneə ola bilməz.