ANS Press

ANS Press

Sep 11, 2023 - 15:51

XƏBƏRLƏR / İctimaiyyət

30 il əvvəl itkin düşən hərbçinin qalıqları dəfn olunub

Şəhidin qalıqları ata-anasının məzarlarının yanında torpağa tapşırılıb

30 il əvvəl itkin düşən hərbçinin qalıqları dəfn olunub

  • Oxuma müddəti:

    1 dəqiqə

    • Birinci Qarabağ müharibəsi zamanı döyüşlərdə itkin düşmüş hərbçi Hüseynov Əli Heydər oğlunun qalıqları Füzuli rayonunun Aşağı Yağlıvənd kəndinə gətirilib.

    Əli Hüseynov Füzuli rayonunun Yağlıvənd kəndində anadan olub. 6 avqust 1993-cü ildə itkin düşüb. Şəhidin meyitinin qalıqları Xocavənd rayonunun Edilli kəndində kütləvi məzarlıqda tapılıb. Qalıqlar bu gün dəfn olunmaq üçün anadan olduğu Aşağı Yağlıvənd kəndinə gətirilib. Şəhidin qalıqları ata-anasının məzarlarının yanında torpağa tapşırılıb.

    Şəhidin yaxınları bildirib ki, Əli Hüseynov I Qarabağ müharibəsi başlayan ilk gündən torpaqlarımızın müdafiəsi üçün döyüşlərə qatılıb. İtkin düşdüyü gündən ata-anası onun yolunu gözləyib və hər ikisi oğul həsrəti ilə dünyasını dəyişib.