8 Azərbaycan vətəndaşı olan gəmiyə Qara dənizdə hücum olub

Dronlar Bolqarıstanın Qara dənizdəki eksklüziv iqtisadi zonasında iki ticarət gəmisinə hücum edib.

Bolqarıstan hakimiyyət orqanlarının məlumatına görə, "Azov Concord" gəmisi Krapets kurort şəhərindən 27 km məsafədə batıb. "Çelsi 3" gəmisinə Byala şəhərindən 24 km məsafədə hücum edilib və limana çatmağı bacarıb.

BNT-nin məlumatına görə, Bolqarıstanın Baş naziri Rumen Radev oktyabrın 13-ü gecəsi "Çelsi 3" gəmisindən 15 dənizçinin təxliyə edildiyini açıqlayıb. Onların arasında yüngül xəsarət alan yeddi Ukrayna vətəndaşı və səkkiz Azərbaycan vətəndaşı da var.

Baş nazirin sözlərinə görə, gəmi Odessa limanında qeydiyyatdadır və Malta bayrağı altında üzür. Hücumdan sonra "Çelsi 3" gəmisi Varna limanında lövbər salıb. Xilas edilən dənizçilər üç PUA-nın hücumuna məruz qaldıqlarını bildiriblər.

Batan "Azov Concord" gəmisindən bir heyət üzvü xilas edilib. Xilasetmə əməliyyatı davam edir.

Bolqarıstanın Baş naziri Rusiya səfiri Eleonora Mitrofanovanın görüş üçün ölkənin Xarici İşlər Nazirliyinə çağırılacağını açıqlayıb. Hakimiyyət orqanları həmçinin NATO-nun baş katibi Mark Rutte ilə məsləhətləşmələr aparmaq niyyətindədir.

Yeni hadisələr Bolqarıstanın eksklüziv iqtisadi zonasında "Alfa Watan" və "Able" gəmilərinə hücumlardan bir həftə sonra baş verib. Ölkə hakimiyyəti istintaqda Aİ və NATO-dan kömək istəyib.