ABŞ-da yenə məktəbdə atışma, 6 ölü, üçü uşaq

Ən azı iki avtomat və tapança ilə silahlanmış 28 yaşlı qadın məktəbə atəş açıb

Oxuma müddəti:

1 dəqiqə

ABŞ-ın Neşvil şəhərində məktəbdə atışma nəticəsində 6 nəfər həlak olub. Polis hücumun güllələnərək öldürülən qadın tərəfindən törədildiyini bildirib.

CNN xəbər verir ki, martın 27-də səhər saatlarında Nashville şəhərindəki özəl The Covenant School məktəbinə hücum nəticəsində 6 nəfər həlak olub. Ölənlər arasında üç tələbə və üç böyük var.

Yerli polisin məlumatına görə, ən azı iki avtomat və tapança ilə silahlanmış 28 yaşlı qadın məktəbə atəş açıb. İlkin məlumatlarda onun yeniyetmə qız olduğu bildirilirdi.

Hadisə yerinə gələn polis şübhəlini məktəbin ikinci mərtəbəsində güllələyib. Onun şəxsiyyəti, eləcə də motivləri və məktəbdə mümkün iştirakı hələ müəyyən edilməyib.

Silah Zorakılığı Arxivinin məlumatına görə, bu, ABŞ-da 2023-cü ilin əvvəlindən bəri baş verən 128-ci qırğındır.