ANSTV
ANSÇM
ABŞ Dəməşqdəki aviabazanı dayaq nöqtəsinə çevirmək istəyir
Qərar Vaşinqtonun Suriya ilə İsrail arasında təhlükəsizlik paktının imzalanmasına dəstək səyləri ilə əlaqələndirilir
1 dəqiqə
ABŞ Dəməşqdəki aviabazasında hərbi mövcudluq yaratmağı planlaşdırır.
ABŞ Dəməşqdəki hava bazasında hərbi mövcudluq yaratmağa hazırlaşır. Mənbələrə görə, bu qərar Vaşinqtonun Suriya ilə İsrail arasında təhlükəsizlik paktının imzalanmasına kömək etmək səyləri ilə əlaqələndirilir.
Bir mənbə "Reuters" agentliyinə bildirib ki, bu addım "Əsəd rejiminin süqutundan sonra Suriyanın ABŞ ilə strateji yaxınlaşmasının əlaməti ola bilər".
Cənubi Suriyanın girişində yerləşən hava bazasının İsrail və Suriya arasında atəşkəsin monitorinqi üçün istifadə edilməsi gözlənilir. Hücum etməmək haqqında müqavilə bağlanmasına dair ABŞ-ın, xüsusən də Tramp administrasiyasının vasitəçiliyi ilə fəal şəkildə danışıqlar aparılır.
Mənbələr bildirib ki, ABŞ artıq bazada bir neçə kəşfiyyat missiyası keçirib və uçuş-enmə zolağını dərhal istifadə üçün hazırlayıb. Logistika, müşahidə və humanitar əməliyyatlar planları da müzakirə olunur.
Lakin bütün bu hazırlıqlara baxmayaraq, Vaşinqton qoşunlarını bazaya nə vaxt yerləşdirməyi planlaşdırdığını dəqiqləşdirməyib.
