ABŞ Məxfi Xidmətinin rəhbəri Trampa görə ifadə verəcək
ABŞ Nümayəndələr Palatasının Nəzarət Komitəsi məlumat yayıb
![ABŞ Məxfi Xidmətinin rəhbəri Trampa görə ifadə verəcək](/uploads/images/2024/07/rs/image_750x_669747985d6a1-750-1080-resize.webp)
ABŞ Nümayəndələr Palatasının Nəzarət Komitəsi Məxfi Xidmətin direktoru Kimberli Çitli 35-ci prezident Donald Trampın mitinqdə məruz qaldığı sui-qəsd cəhdinə görə təhlükəsizlik vəziyyəti ilə bağlı ifadə verməyə çağırmaq niyyətindədir.
Xarici KİV xəbər verir ki, bu barədə komitənin mətbuat xidməti məlumat yayıb.
Çitl iyulun 22-də komitə iclasında iştirak edəcəyini təsdiqləsə də, ona çağırış vərəqəsi göndəriləcək. Direktor vəzifəsində olduğu müddətdə yaşanan bu hadisəyə görə Konqresə cavab verməlidir.
Bundan əvvəl ABŞ Məxfi Xidməti sui-qəsd cəhdindən sonra sabiq Prezident Donald Trampın təhlükəsizliyini seçki kampaniyasının sonuna qədər gücləndirib.
Xatırladaq ki, ABŞ-ın Pensilvaniya ştatında Respublikaçılar Partiyasının builki prezident seçkilərində namizədi Donald Trampın mitinqi zamanı atəş açılıb, siyasətçi xəsarət alıb.