ABŞ "TikTok"un qarşılığında Çinə qarşı rüsumları yumşaldacaq

Çin "TikTok"un ABŞ-da fəaliyyətini davam etdirməsi üçün satışını təsdiqləsə, ABŞ bu ölkənin məhsullarına rüsumları azalda bilər.

Bunu ABŞ Prezidenti Donald Tramp Ağ Evdə jurnalistlərin suallarını cavablandırarkən deyib.

""TikTok"u almaq üçün bir çox yol var və biz ölkəmiz üçün ən yaxşısını tapacağıq. Mən ölkəmizə hər şeydən çox əhəmiyyət verirəm. "TikTok"a gəlincə, Çin bu işdə rol oynamalıdır. Bəlkə sövdələşməni təsdiqləyəcəklər. Ola bilər ki, mən onlara qarşı tətbiq olunan rüsumları bir az endirim və ya buna nail olmaq üçün onlara nə isə verim. Bilirsiniz, siyahıdakı hər mala qarşı tətbiq olunan rüsum "TikTok"dan daha baha başa gəlir. Ona görə də Çini buna məcbur etmək üçün mən, misal olaraq, rüsumları endirə bilərəm”, - Tramp deyib.