Ağdərədə baş verən yol qəzasında 4 nəfər ölüb YENİLƏNİB

Zülfüqarlı İlkin Qurban oğlu idarəetməni itirərək “Nissan” markalı avtomobili aşırıb

Oxuma müddəti:

1 dəqiqə

22:19

Ağdərə rayonunda ölümlə nəticələnən ağır yol-nəqliyyat hadisəsində ölən və yaralananların adları məlum olub.

Tərtər şəhər sakini, 1992-ci il təvəllüdlü Zülfüqarlı İlkin Qurban oğlu idarəetməni itirərək “Nissan” markalı avtomobili aşırıb. Hadisə nəticəsində sürücü xəsarət alıb, sərnişinlər - Tərtər şəhər sakinləri 1999-cu il təvəllüdlü Kərimov Asif Rafiq oğlu, 1987-ci il təvəllüdlü Həsənov Mütalib Telman oğlu, 1998-ci il təvəllüdlü Məmmədov Samir Mədət oğlu və 1975-ci il təvəllüdlü Alxanov Sərdar İmran oğlu ölüb.

Faktla bağlı araşdırma aparılır.

***

21:28

Ağdərə-Kəlbəcər yolunda ölümlə nəticələnən ağır yol-nəqliyyat hadisəsi baş verib.

"Pikap” markalı avtomobilin aşması nəticəsində 4 nəfərin öldüyü, 1 nəfərin yaralandığı bildirilir. Yaralı Bərdə Rayon Mərkəzi Xəstəxanasına çatdırılıb.

Faktla bağlı araşdırma aparılır.