ANS Press

ANS Press

Apr 2, 2024 - 20:05 Yeniləndi: Apr 3, 2024 - 07:28

XƏBƏRLƏR / Hərbi

ANAMA əməkdaşı Ağdamda mina partlaması nəticəsində yaralanıb

Hazırda 1987-ci il təvəllüdlü Xəyyam Əliyevin vəziyyəti qənaətbəxşdir

ANAMA əməkdaşı Ağdamda mina partlaması nəticəsində yaralanıb

  • Oxuma müddəti:

    1 dəqiqədən az

    • Aprelin 2-də Ağdam rayonunun işğaldan azad edilmiş Sarıcalı kəndi ərazisində 1 nəfərin xəsarət alması barədə rayon prokurorluğuna məlumat daxil olub.

    Ağdam rayon prokurorluğundan verilən məlumata görə, hadisə nəticəsində ərazidə mina təmizləmə işləri aparan Azərbaycan Respublikası Minatəmizləmə Agentliyinin (ANAMA) əməkdaşı 1987-ci il təvəllüdlü Əliyev Xəyyam Qəmbər oğlu xəsarət alıb və istifadə olunan texnikaya maddi ziyan dəyib.

    Hazırda Xəyyam Əliyevin vəziyyəti qənaətbəxşdir.

    Prokurorluq əməkdaşları tərəfindən hadisə yerinə baxış keçirilib, digər zəruri prosessual hərəkətlər aparılıb.

    Faktla bağlı Ağdam rayon prokurorluğunda araşdırma aparılır.