!["Android" istifadəçiləri getdikcə daha çox "iPhone" alırlar](/uploads/images/2024/07/rs/image_750x_66a3879745d60-750-1080-resize.webp)
CIRP analitik şirkəti "Android" istifadəçilərinin "iPhone"a keçidinin artdığını göstərən tədqiqat nəticələrini açıqlayıb. Araşdırmaya görə, 2024-cü ilin iyun ayında "Android" telefonlardan "iPhone"a keçənlərin sayı əhəmiyyətli dərəcədə artıb. Lakin mütəxəssislərin fikrincə, bu xəbər "Apple" üçün görünən qədər müsbət olmaya bilər.
Belə ki, iyun ayında "iPhone"un yeni istifadəçilərinin 17%-i əvvəllər "Android" telefonlarından istifadə edib ki, bu da son beş ilin maksimum göstəricisidir. Bu nəticə keçən ilin 10%-lik səviyyəsini əhəmiyyətli dərəcədə üstələyir, amma 2017-ci ilin tarixən yüksək göstəricisi olan 21%-ə çatmır.
Bununla yanaşı, "iPhone" 15 modellərinin satışları hələ də aşağı səviyyədə qalır. Ekspertlər hesab edir ki, keçmiş "Android" istifadəçiləri "Apple"ın son model telefonlarından çox əsasən yeni əməliyyat sistemi ilə maraqlanırlar. Analitiklər həmçinin vurğulayırlar ki, yeni "iPhone" istifadəçilərinin artması mövcud istifadəçilərin cihazlarını yeniləmək marağını azaldıb.