ATƏT sədri mayın 13-dən Cənubi Qafqazda səfərdə olacaq

Bu barədə ATƏT-in saytı xəbər verir

Yan Borq

Oxuma müddəti:

1 dəqiqədən az

ATƏT-in fəaliyyətdə olan sədri, Maltanın xarici işlər naziri Yan Borqun Cənubi Qafqaza səfərinin vaxtı məlum olub.

Bu barədə ATƏT-in saytı xəbər verir.

Qeyd olunub ki, 13 may tarixində maltalı diplomat Ermənistana səfər edəcək.

İrəvanda Y. Borq Ermənistanın baş nazir Nikol Paşinyan, xarici işlər naziri Ararat Mirzoyan, Milli Assambleyanın sədri Alen Simonyan və Ermənistanın ATƏT Parlament Assambleyasındakı nümayəndə heyətinin üzvləri ilə görüşəcək.

ATƏT-in fəaliyyətdə olan sədrinin Azərbaycana da səfəri gözlənilir. Lakin səfərin tarixi barədə məlumat verilməyib.