Avropa İttifaqı Türkiyəyə 400 milyon avro yardım ayıracaq

Yardım Aİ-nin 2023-cü il büdcəsindən gələcək

Oxuma müddəti:

1 dəqiqədən az

Avropa İttifaqı Türkiyəyə zəlzələnin fəsadlarının aradan qaldırılması üçün 400 milyon avro maliyyə yardımı ayıracaq.

Avropa İttifaqı Şurası Avropa Komissiyasının Rumıniya, İtaliya və Türkiyədə təbii fəlakətin nəticələrinin aradan qaldırılması üçün 454,8 milyon avro ayırmaq təklifini qəbul edib. Yardım Aİ-nin 2023-cü il büdcəsindən gələcək.

“2022-ci ildə şiddətli quraqlığın baş verdiyi Rumınyaya 33,9 milyon, 2022-ci ilin sentyabrında intensiv yağışlar səbəbindən sel və daşqınlarla üzləşən İtaliyaya 20,9 milyon avro, 2023-cü ilin fevralında zəlzələ fəlakəti yaşayan Türkiyəyə isə 400 milyon avro yardım göstəriləcək”,-məlumatda əks olunub.