ANSTV
ANSÇM
Azad edilmiş rayonlarda mərkəzi xəstəxanalar tikiləcək
Səhiyyə Nazirliyi xəbər verir
1 dəqiqədən az
Azərbaycanın azad edilmiş iki rayonunda - Laçın və Kəlbəcərdə mərkəzi xəstəxanalar tikiləcək.
Səhiyyə Nazirliyinin tikilməkdə olan müəssisələrinin müdiriyyəti artıq bununla bağlı müvafiq işlərə start verib.
Qurum hər iki rayonda tikiləcək xəstəxanaların layihə-smeta sənədlərinin hazırlanması işlərini "İba Group" MMC-yə həvalə edib və müqavilə bağlayıb.
Müqavilələrə əsasən, şirkətə 1 191 500 manat ödənilib.
Xəstəxanaların tikintisi ilə bağlı layihə-smeta sənədlərini hazırlayacaq "İba Group" MMC 2019-cu ildə dövlət qeydiyyatına alınıb. Nizamnamə kapitalı 50 manat olan şirkətin qanuni təmsilçisi Bəylərov İlqar Xıdır oğludur.
