ANSTV
ANSÇM
AZAL Londonun Qatvik hava limanına uçuşlara başlayıb
AZAL Bakı ilə London arasında həftədə 6 uçuş həyata keçirəcək
1 dəqiqə
Martın 17-dən AZAL Hava Yolları Bakıdan Londonun digər hava limanına - Qatvikə uçuşlar yerinə yetirməyə başlayıb.
“Azərbaycan Hava Yollarının London Qetvik hava limanında ilk uçuşunun qarşılanma mərasimində Azərbaycanın Böyük Britaniyadakı səfiri Elin Süleymanov, Qatvik Hava Limanının Aviasiya inkişafı üzrə vitse-prezidenti Stefani Ueyr, aviaşirkətin əməkdaşları və iki ölkənin digər rəsmiləri iştirak ediblər. Bu barədə aviaşirkətin açıqlamasında bildirilir.
AZAL Bakıdan Qatvik hava limanına həftədə üç dəfə: çərşənbə, cümə və bazar günləri həyata keçirəcək.
Xəbər verdiyimiz kimi, yeni marşrutun fəaliyyətə başlaması ilə AZAL Bakı ilə London arasında həftədə 6 uçuş həyata keçirəcək.
“Bakı ilə London arasında uçuşların tezliyinin artırılması qərarı artan tələbatı ödəmək üçün qəbul edilib. Bu, həm də aviaşirkətin uçuş coğrafiyasını genişləndirmək strategiyasına uyğundur”, - AZAL qeyd edir.
