Azərbaycan 3 ay ərzində 65 milyon dollarlıq qızıl satıb
Bunu İqtisadi İslahatların Təhlili və Kommunikasiya Mərkəzi açıqlayıb

2025-ci ilin yanvar-mart ayları ərzində Azərbaycandan 65,2 milyon ABŞ dolları dəyərində qızıl ixrac edilib.
İqtisadi İslahatların Təhlili və Kommunikasiya Mərkəzinin açıqladığı “İxrac İcmalı”nın aprel sayında xəbər verir ki, bu 2024-cü ilin I rübü ilə müqayisədə 3.5 dəfə və ya 46,7 milyon ABŞ dolları çoxdur.
Qeyd edək ki, cari ilin mart ayı ərzində Azərbaycandan 25 milyon ABŞ dolları dəyərində qızıl ixrac edib. Bu isə illik müqayisədə 2,1 dəfə çoxdur.