ANS Press

ANS Press

Avqust 24, 2024 - 11:36

XƏBƏRLƏR / Sağlamlıq

Azərbaycan cüdo millisinin üzvləri əməliyyat olunublar

Xaricdən yüksək səviyyəli ixtisaslaşmış cərrah dəvət edilib

Azərbaycan cüdo millisinin üzvləri əməliyyat olunublar

  • Oxuma müddəti:

    1 dəqiqədən az

    • Azərbaycan cüdo milli komandasının üzvləri Gültac Məmmədəliyeva, Elcan Hacıyev və Yaşar Nəcəfov ölkə xaricindən dəvət edilmiş yüksək səviyyəli ixtisaslaşmış cərrah tərəfindən əməliyyat olunublar.

    Azərbaycan Cüdo Federasiyasından verilən məlumata görə, Gültac Məmmədəliyevada sol çiynindəki zədə səbəbindən Latarjet əməliyyatı, Yaşar Nəcəfovda labrum yırtığı üçün ankorla artroskopik SLAP lezionunun refiksasiyası və Elcan Hacıyevdə akromioklavikulyar oynağın minimal invaziv refiksasiyası və Endobutton ilə ön çarpaz bağ rekonstruksiyası əməliyyatları uğurla həyata keçirilib.

    G.Məmmədəliyevanın 16-20 həftə (təxminən 4-5 ay), Yaşar Nəcəfovun 12 həftə (təxminən 3 ay) və Elcan Hacıyevin 20-24 həftə (təxminən 5-6 ay) sonra məşqlərə qayıtması gözlənilir.