Millimiz Latviya ilə oyunu 0:0 hesabı ilə başa çatdırdı

18:50

Futbol üzrə Azərbaycan millisi yoldaşlıq oyunu keçirib.

Fernandu Santuşun baş məşqçisi olduğu kollektiv səfərdə Latviya seçməsi ilə üz-üzə gəlib.

Riqa şəhərindəki "Skonto" stadionunda baş tutan qarşlaşma qolsuz heç-heçə ilə yekunlaşıb.

Qeyd edək ki, Azərbaycan millisi iyunun 10-da Bakıdakı "Liv Bona Dea Arena"da Macarıstan yığmasını qəbul edəcək.

***

16:25

Azərbaycan və Latviya yığmalarının start heyətləri açıqlanıb:

Azərbaycan: Rza Cəfərov, Rəhman Daşdəmirov, Elvin Bədəlov, Bəhlul Mustafazadə, Toral Bayramov, Anatoli Nuriyev, Emin Mahmudov, Səbuhi Abdullazadə, Elvin Cəfərquliyev, Nəriman Axundzadə, Mahir Əmrəli.

Latviya: Rihards Matreviç, Vitalis Yaqodinskis, Deniss Melniks, Daniels Balodis, Maksims Tonişevs, Alvis Yaunzems, Kristers Penkeviçs, Dmitris Zelenkovs, Eduards Daşkeviç, Lukas Vapne, Marko Reqza.

***

08:53

Bu gün futbol üzrə Azərbaycan millisi yoldaşlıq oyununa çıxacaq.

Yığma səfərdə Latviya ilə qarşılaşacaq. Riqa şəhərindəki "Skonto" stadionunda təşkil olunacaq matç Bakı vaxtı ilə saat 17:00-da başlayacaq.

Qarşılaşmanı maltalı Trustin Farruca Kann idarə edəcək.

Qeyd edək ki, Azərbaycan millisi iyunun 10-da Bakıda digər yoldaşlıq görüşündə Macarıstanı qəbul edəcək.